Парафіяльныя аб'явы

11 мая – ІV ВЕЛІКОДНАЯ НЯДЗЕЛЯ

Нядзеля Добрага Пастыра

Маёвае набажэнства - кожны дзень пасля ранішняй св. Імшы і вечарам у 18.00 з выстаўленне Найсвяцейшага Сакрамэнта.

На гэтым тыдні ўспамінаем:

13 мая – Ат. – Успамін Найсвяцейшай Панны Марыі з Фацімы. Пасля св. Імшы на 18.30 – Фацімская працэсія навакол касцёла.

14 мая – Ср. – СВЯТА СВ. МАЦЕЯ, АПОСТАЛА. У 18.30 св. Імша ў інтэнцыі: “Дапамогі душам чысцовым”

16 мая – Пт. – Успамін св. Андрэя Баболі, прэзбітэра і мучаніка

17 мая – Сб. – прашу сабрацца мужчын і усіх хто можа, каб дапамагчы прыбраць нашыя рэчы (плітку, ліхтары, перасадзіць туі і кустарнікі) з тэрыторыі на якой плануецца будаўніцтва. Пачатак прац ад 10 гадзіны.

18 мая – Ндз. – падчас св. Імшы на 12.30 адбудзецца І Святая Камунія ў нашых дзетак, якія на працягу 2 гадоў рыхтаваліся да гэтай падзеі, прашу аб малітве за дзетак і іх бацькоў. Экзамен і І Споведзь адбудуцца ў суботу 17 мая.

• У гэту нядзелю распачынаецца дыяцэзіяльная акцыя “Дар сэрца для парафій у патрэбе”, мэтай якой з’яўляецца арганізацыя дапамогі парафіяльным супольнасцям і святарам, якія маюць патрэбу ў дапамозе. Акцыя будзе праходзіць з 11 мая па 6 жніўня. Ахвяры можна пакідаць у скарбонку з адпаведным надпісам пры выхадзе з касцёла.
• Збіраем ахвяраванні на замену ўваходных дзвярэй і пабудову 2-ух бакавых алтароў. У захрыстыі можна пакідаць ахвяраванні на гэтую мэту. Дзякуй за Вашую ахвярнасць і клопат аб сваёй святыні.
• Працягваем малітву за парафію св. Сымона і св. Алены, Чырвоны касцёл.
• Не спыняемся маліцца ў інтэнцыі нашай парафіі: “Аб афіцыйнай перадачы тэрыторыі Залатагорскіх могілак нашай парафіі”. 12 мая распачынаюцца актыўныя працы. Неабходна забраць нашыя рэчы (плітка, дзіцячая пляцоўка), перасадзіць туі і кустарнікі.

Дзякуй за працу, малітвы і ахвяраванні, якімі прычыняецеся да ўтрымання і аднаўлення нашай святыні, няхай Добры і Міласэрны Бог шчодра ўзнагародзіць.